Partizani është në sprintin final për gjetjen e trajnerit të ri, pas largimit të Orges Shehit. Newsport.al do iu tregojë situatën aktuale në kampin e nënkampionëve.
Miroslav Bojko është aktualisht në “pole position” për të marrë drejtimin e Partizanit. Kroati 52-vjeçar preferohet nga stafi drejtues, që nuk po nxiton për të hedhur firmën në kontratë.
Tregu italian gjithashtu mbetet i preferuar te Partizani, pasi pikërisht nga atje erdhi titulli i 17 kampion. Kështu Roberto Boscaglia dhe Mario Somma janë dy trajnerë të gatshëm për të marrë drejtimin e “demave”.
Të dy trajnerët janë pa ekip, që nga kjo verë. Karriera e tyre ka qenë e fokusuar në Itali, ndërsa nuk do i thonin “Jo” një eksperience te Partizani.
Jo vetëm këto 3 emra janë aktualisht të gatshëm për të marrë drejtimin e skuadrës së Partizanit. Kjo pasi nga tregu italian janë përfolur vazhdimisht emra me peshë. Tashmë mbetet për t’u parë vendimi përfundimtar i drejtuesve, teksa në krye të ekipit është aktualisht drejtori sportiv Arbër Abilaliaj.
Lexo gjithashtu
