Andi Hadroj dhe Agim Zeka janë dy nga shumë surprizat e Sylvinhos në listën e Kombëtares për ndeshje ndaj Ukrainës e Gjeorgjisë më 7 dhe 10 shtator.
Dyshja e Partizanit janë të vetmit lojtarë që aktualisht luajnë në Superiore, pasi Alen Sherri e Sebastjan Spahiu u larguan gjatë kësaj vere. Në këtë mënyrë, ata bëhen ambasadorët e kampionatit shqiptar në Kombëtare.
Padyshim krenari edhe për klubin e Partizanit që sheh dy lojtarët e saj të përfaqësojnë ‘Demat’ me fanellën kuqezi.
“Andi Hadroj dhe Agim Zeka janë përfaqësuesit e kuq në seleksionin e radhës të ekipit tonë kombëtar. Dy lojtarët tanë kanë bindur trajnerin e ekipit tonë kombëtar Sylvinho ti përfshijë në listën e të grumbulluarve për dy takimet zyrtare ndaj Ukrainës në 7 shtator dhe Gjeorgjisë në 10 shtator të vlefshme për ndeshjet e Ligës sê kombeve. Klubi i uron Andi Hadroj dhe Agim Zekës një përfaqësim sa më pozitiv me fanelën kuqezi”, shkruan klubi.
Lexo gjithashtu
