Teuta do të udhëtojë në transfertë për të sfiduar Kukësin në kuadër të javës së 33-të të Superiores. Takim ky që do të luhet në “Kukës Arena” ditën e nesërme në orën 15:00.
Një duel shumë delikat për durrsakët që luajnë për “jetë a vdekje” ndaj verilindorëve. Vetëm fitorja është rezultati që iu bën punë “djemve të detit”, të cilët luftojnë për t’iu larguar zonës “Play-Out”.
Ekipi i drejtuar nga Edi Martini ditën e sotme iu ka dhënë fund përgatitjeve për duelin me Kukësin. Mungesa e vetme ndaj verilindorëve do të jetë vetëm e Elmando Gjini, ndërsa pjesa tjetër e skuadrës është gati për “luftë” në Kukës.
Kujtojmë se aktualisht Teuta mban vendin e 8-të në tabelën e klasifikimit me 38 pikë, po aq sa Laçi që ndodhet në vendin e 7-të dhe 7 pikë më shumë se Erzeni i vendit të 9-të, kur kanë mbetur edhe 4 ndeshje drejt fundit të kampionatit. Në 32 ndeshje kampionat durrsakët ia kanë dalë të sigurojnë 9 fitore, 11 barazime dhe janë mposhtur 12 herë.
Lexo gjithashtu
