Skënderbeu ka fituar 1 me 0 përballë Erzenit, në sfidën e vlefshme për javën e 33-të të Superiores. Mjaftoi goli i Janaqit në minutën e 7’ të pjesës së parë, për të vendosur fatet e takimit.
Skënderbeu mban aktualisht vendin e pestë në Superiore, ndërsa numëron po aq pikë sa Dinamo që mbyll zonën e “Final 4”. Në anën tjetër Erzeni në vendin e parafundit është një hap larg rënies në Kategorinë e Parë.
Në përfundim të sfidës foli për mikrofonin e MCN, trajneri i Erzenit Alfred Deliallisi.
Ka më shpresë? “Normalisht kishim ardhur në Korçë për të dhënë maksimumin tonë, por nisim lojën duke humbur shumë topa. Mënyra si pësojmë golin, jemi në superioritet dhe kundërshtari na godet me gjysmë goditje dhe fiton ndeshjen. Ana psikologjike ka rënë, nuk është më e mira.
Është e vështirë, pasi çdo njeri duhet të marrë përgjegjësitë e veta. Dhe unë kam të miat, nuk dua të fshihem, Do luajmë futboll, deri ditën e fundit do jap maksimumin".
Lexo gjithashtu
