Java e gjashtë e “Abissnet Superiore” do të luhet e ndarë në tre ditë, duke nisur të premten me derbin e kryeqytetit, Partizani – Tirana.
Të dyja skuadrat vijnë në këtë sfidë pas një nisjeje jo të mirë të kampionatit, por derbi mbetet derbi, dhe sfida më e zjarrtë e kampionatit shqiptar pritet me padurim nga të gjithë sportdashësit dhe tifozët e të dyja ekipeve.
Ndeshja do të luhet në “Air Albania” në orën 19:00, dhe tifozët mund t’i blejnë biletat online në ebileta.al ose në pikën fizike pranë stadiumit “Selman Stërmasi”. Ditën e ndeshjes, biletat do të mund të gjenden edhe pranë stadiumit “Air Albania”.
Të shtunën do të zhvillohen dy ndeshjet e tjera të javës së 6-të. Dinamo City – Flamurtari do të luhet në “Selman Stërmasi” në orën 15:30. Ndërsa në “Loro Boriçi” do të zhvillohet përballja direkte për kreun, Vllaznia – AF Elbasani. AF Elbasani udhëheq kampionatin deri tani, por kuqeblutë janë vetëm një pikë larg kreut.
Dy takimet e fundit të javës së 6-të janë programuar të dielën. Vora – Egnatia do të luhet në orën 14:00 në Laç, ndërsa Teuta – Bylis në “Niko Dovana” në orën 17:00.
Abissnet Superiore – JAVA 6
E premte, më 3 tetor
Partizani – Tirana 19:00
E shtunë, më 4 tetor
Dinamo City – Flamurtari 15:30
Vllaznia – AF Elbasani 19:00
E diel, më 5 tetor
Vora – Egnatia 14:00
Teuta – Bylis 17:00
Lexo gjithashtu
