Tirana u mposht në derbi me rezultatin 1-2 duke rënduar akoma më shumë situatën e tyre. Bardheblutë nuk fitojnë në 7 përballjet e fundit ndaj Partizanit duke ‘kujtuar’ epokën e errët me një seri të gjatë pa fitore.
Kur mbeten 3 javë nga fundi i kampionatit, Tirana rrezikon jashtë mase të mbetet jashtë Final Four. Kalendari është i vështirë dhe e rradhës është në një transfertë delikate si ajo e Laçit. Morali është i ulët dhe nuk do të jetë aspak e lehtë pasi edhe kurbinasit luajnë për mbijetesë.
Veç anës psikologjike, Fagu duhet të mendojë edhe për mungesat. Derbi i la me pasoja edhe në këtë pjesë pasi Fjoart Jonuzi u ndëshkua me karton të kuq, ndërsa Regi Lushkja me të verdhë duke plotësuar kuotën.
Veç tyre në rrezik është edhe sulmuesi Patrick. Braziliani la fushën i dëmtuar në fillim të pjesës së dytë dhe u pa të dilte duke çaluar. Ai rrezikonte edhe para derbit, por ia doli të merrte fanellën titullare. Ekzaminimet mjekësore do të konfirmojnë gjendjen e lojtarit dhe mbete të shihet nëse do të lihet pushim apo jo.
Lexo gjithashtu
