Partizani prej kohës nuk po kalon një moment të mirë në kampionat, me të kuqtë që u mposhtën edhe në derbi nga Tirana me shifrat 3-0. Ky derbi rezultoi të ishte “famëkeq” për të kuqtë.
Kjo pasi bardheblutë “këputën kokat” e të parëve të skuadrës. Fillimisht “fortuna” e shkaktuar nga derbi mori me vete Arbër Abilaliaj, i cili siç dihet mbante rolin e drejtorit sportiv.
Si “arkitekti” i skuadrës, me afrimet e bëra në merkaton e janarit, mesa duket “dështoi” dhe pas disfatës ndaj rivalëve të përjetshëm të kryeqytetit njoftoi largimin në rrjetet e tij sociale. Ndërkohë vetëm 2 ditë pas këtij largimi, klubi vendosi të shkarkojë edhe Mladen Milinkovic dhe 2 ndihmësit e tij.
Timonieri serb nuk ia doli të linte gjurmë në kryeqytet, ku në 6 javë grumbulloi vetëm 4 pikë dhe i “zhyti” të kuqtë në fundin e klasifikimin, saktësisht në vendin e 9-të. Një atmosferë dhe moment jo shumë i mirë te Partizani, me drejtuesit e klubin që shpresojnë që gjatë pauzës së kampionatit nga ndeshjet e Kombëtares, të arrijnë të gjejnë zëvendësuesit e tyre.
Lexo gjithashtu
