Bylisi do të udhëtojë në transfertë për të sfiduar Tiranën, duel ky i parashikuar të zhvillohet ditën e dielë në orën 17:00, me stadiumin që do të zbulohet në ditët në vazhdim nga ana e klubit bardheblu.
Ballshiotët e Nevil Dedes ndodhe në fundin e tabelës së klasifikimit me 10 pikë, 1 më pak se Laçi, Skënderbeu dhe Tirana. Pikërisht ndaj këtyre të fundit do të tentojnë fitoren për t’u rikthyer te rezultatet pozitive në kampionat.
Nuk do të jetë aspak e lehtë për Deden, i cili do të përballet me disa mungesa. Kështu për shkak kartonësh do të mungojë ganezi Ofori. Ky i fundit u ndëshkua me karton të kuq ndaj Laçit dhe në këtë mënyrë ndaj kryeqytetasve nuk do të mund të japë kontributin e tij.
Ndërkohë për shkak dëmtimi me shumë gjasa do të mungojë Perlata. Ky i fundit la fushën e lojës ndaj Laçit i dëmtuar dhe në ditët në vazhdim do të mësohet shkalla e dëmtimit. Kështu Dede do të duhet të gjejë alternativat B për të zëvendësuar dy futbollistët që mungojnë.
Lexo gjithashtu
