Bylis – Dinamo nuk shkuan më shumë se barazimi 0-0 mes tyre në “Adush Muça”. Një barazim që i ndal sërish ekipet, të cilat prej disa javësh nuk e njohin fitoren.
Pas barazimit ka folur Ilir Daja, i cili është shprehur se:
“Barazimi? Mund të fitonim edhe mund të humbnim ndeshjen. Ballshi kishte raste para porte dhe nuk dua të flas për mungesat se tashmë është bërë e zakonshme. Në pjesën e parë nuk bëmë një lojë të mirë dhe në pjesën e dytë reaguan dhe nuk u dorëzuan deri në fund. Mund të kishim finalizuar rastin e fundit dhe do të flisnim ndryshe.
Çeduat te markimet në mesfushë? Me markimet duhet të markonim numrin 23 të tyre. Ishte ai që ndryshonte krahët e lojës, ndonjëherë u takonte sulmuesve dhe më pas mesfushorëve. Gjë të cilën nuk e bëmë dot. Nuk duhet të luanim me topa të gjatë dhe t’ia dorëzonim shpejt topin kundërshtarit. Në pjesën e parë shpenzuam energji.
Menduam që fusha të ishte e rënduar për shkak të shirave dhe gjatë javës punuam për të luajtur kundërpressing. Futbollistët nuk e ndanë siç duhet manovrën tonë kryesorë.
4 ndeshje pa fitore, ju shqetëson? Sigurisht që kjo është një statistikë dhe kjo është një interpretim. Kemi qenë në lojë dhe ne kemi qenë më lart se kundërshtarët. Ka dhe diçka tjetër, por nuk do të merrem se fillojnë e thonë Daja kështu e Daja ashtu. Kur prodhon je me shumë para porte. Nuk ndikon në anën psikologjik, pasi futbollistët janë të lirë”, ka deklaruar Daja.
Lexo gjithashtu
