Vllaznia pas barazimit me Partizanin prej ditësh kanë kthyer vëmendjen nga dueli me Laçin. Takim shumë i rëndësishëm për shkodranët që kërkojnë rikthimin te fitorja në kampionat, e cila iu mungon prej 3 ndeshjesh.
Në “Loro Boriçi” nuk kanë rrugë tjetër veçse 3 pikëve, pasi barazimi nuk do iu bënte punë asnjërës palë. Laçi është një kundërshtarë që tregoi se mund t’iu bëjë dëm të gjitha ekipeve dhe Armando Cungu do të synojë një tjetër triumf në kampionat pas fitores me Teutën.
Kurbinasit nuk do ta kenë aspak të lehtë në shtëpinë e kuqebluve, pasi fitorja e fundit në “Loro Boriçi” daton para 3 vitesh, saktësisht me 5 shkurt të vitit 2021. Kjo do të thotë se Vllaznia prej më shumë se 3 vitesh nuk e njohih humbjen në shtëpi përballë Laçit dhe ditën e nesërme do të synojnë një tjetër fitore për të thelluar statistikat me bardhezinjtë.
Kujtojmë se Vllaznia do të presë Laçin në “Loro Boriçi” për të bërë mes tyre llogaritë e javës së 31-t ëtë Superiores. Sfidë që do të zhvillohet ditën e shtunë në orën 18:00.
Lexo gjithashtu
