Te Dinamo pas humbjes me Vllazninë në kampionat, nuk kanë kohë shumë për të “qarë”, pasi një tjetër sfidë mjaft e luftuar i pret “Blutë”. Në kuadër të javës së 34-të të Superiores do të sfidohen nga Egnatia, me rrogozhinasit që kanë siguruar pjesëmarrjen në “Final-Four” dhe kanë 2 pikë më shumë se Vllaznia e vendit të dytë.
“Nëndetësja” ndodhet në vendin e 4-të të “Final-Four”, me pikë të barabarta me Skënderbeun. Ekipi i drejtuar nga Dritan Mehmeti është i dënuar vetëm për fitoren ndaj rrogozhinasve, pasi në të kundërt do të rrezikojnë të mbetet jasht top-4.
Nuk do të jetë aspak e lehtë për ta, pasi edhe statistikat janë kundër tyre në përballjet direkte me Egnatian. Kështu në 3 duelet e këtij sezoni “Blutë” kanë arritur të marrin vetëm 1 pikë ndaj rrogozhinasve. Dy ndeshje të tjera janë fituar nga skuadra e Edlir Tetovës.
Ndeshjet e javës së 34-të do të luhen ditën e mërkurë në orën 16:00. Kështu Dinamo me në krye Dritan Mehmetin do të tentojnë fitoren e parë ndaj rrogozhinasve për të mos rrezikuar vendin e 4-të në “Final – Four”.
Lexo gjithashtu
