Tirana do të udhëtojë në një transfertë të vëështirë për të sfiduar Egnatian në kuadër të javës së 36-të të kampionatit. Një duel mjaft delikat për bardheblutë që do të synojnë vetëm fitoren dhe për të shpresuar te një hap fals i Skënderbeut për të kapur “Final – Four”.
Në prag të kësaj përballje ka folur në konferencën për shtyp Erbim Fagu. Timonieri i kryeqytetasve pranoi se tashmë asgjë nuk është në dorën e tyre dhe pavarësisht ëksaj do të hyjnë në fushë vetëm për 3 pikët. Ndër të tjera nënvizoi se ndaj rrogozhinasve do të ketë të plotë skuadrën.
“Final - Four? Tani kemi pak më pak shpresa, pasi nuk është çdo gjë në dorën tonë, por ne do të bëjmë maksimumin për të marrë 3 pikët në ndeshjen tonë. Jemi munduar të krijojmë volum loje, por presioni dhe trysnia ka qenë shumë i madh dhe kjo ka qenë arsyeja pse nuk kemi qenë konkretë para portës.
Alenca? Ne kemi lojtarë me eksperiencë, por kur një sezon s'ka shkuar si duhet, çdo kush futet në presion. Ne presim që të jetë një ndeshje e luftuar dhe shpresojmë të luhet një ndeshje e drejtë, pasi nuk jemi vetëm ne në garë por edhe Teuta me Dinamon. Në kampionat s'ka pasur aleanca të gjithë kanë luajtur për objektivat e veta, gjithsecila nga skuadrat do të japë maksimumin.
Mungesat? Nuk kemi mungesa, jemi të plotë por do ta shohim edhe sot para stërvitjes. Kemi pasur ndeshje që mund ti zgjidhnim më mirë, me Skënderbeun, Laçin dhe në derbi, duhet të ishim më të saktë dhe të pjekur në ato ndeshje, shpresojmë që nesër të marrim 3 pikët. Logjikisht Egnatia është e fokusuar në Kupë por nuk mendoj se do të hyjnë në fushë për të na toleruar, e presim agresive, ka treguar gjatë kampionatit këtë.
Ardhmja? Situatat gjatë kampionatit janë të ndryshme, nesër është ndeshja e fundit. Nuk kam folur, presim të mbarojë kjo ndeshje, më pas do të ulemi dhe do të bisedojmë për të ardhmen”, deklaroi Fagu.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
