Armando Sadiku aktualisht është pa kontratë. Sulmuesi mbylli pak javë më parë aventurën e tij në Indi te GOA dhe tashmë është në kërkim të një ekipi të ri.
Prej kohësh emri i tij flitet në Elbasan, me drejtuesit që “ëndërrojnë” transferimin e futbollistit të Kombëtares për t’i besuar edhe “çelësat” e sulmit. Lideri kuqezi ka shtuar edhe më shumë zërat për këtë lëvizje me postimin e fundit.
Nëpërmjet një postimi në “Insta-Story”, Sadiku shihet në stadiumin “Elbasan Arena” i shoqëruar nga Endri Duka dhe Orgest Gava. Ky i fundit është një ish-futbollist i verdhebluve dhe ndoshta diçka mes tyre po “zihet”.
Sadiku ishte në stadium pasi kishte preferuar të shikonte nga afër duelin mes Shqipërisë U-17 dhe Gjermanisë U-17, e vlefshme për Kampionatin Europian.
Lexo gjithashtu
