Dinamo do të përballet me Egnatian në ndeshjen e vlefshme për javën e parë të sezonit të ri të Superiores. Kjo sfidë që do të zhvillohet më 18 gusht në “Elbasan Arena”, do të startojë në orën 20:00.
Një ndeshje që pritet të jetë mjaft interesante, pasi Egnatia nis misionin për të ruajtur titullin kampion të fituar në sezonin e fundit. Në krahun tjetër, Dinamo është përforcuar shumë në këtë merkato verore dhe të gjithë i kanë sytë nga ta për të parë përmirësimin në fushë.
Por, “Blutë” do ta kenë të vështirë për të fituar ndaj rrogozhinasve. Kjo sepse në 8 ndeshjet e luajtura mes tyre, Dinamo nuk ka fituar asnjë. 4 ndeshje kanë përfunduar në barazim, ndërsa 4 të tjera janë fituar nga Egnatia.
Kjo bën, që rrogozhinasit të jenë “makth” për dinamovitët. Megjithatë një sezon i ri dhe me shumë ndryshime, mund të bëjë që Dinamo ta thyejë këtë “mallkim” të rrogozhinasve.
Lexo gjithashtu
