Sulmuesi liberian Emmanuel Ernest është transferimi më i “freskët” te ekipi i Tiranës. 25-vjeçari vendosi të ndërpres kontratën me skuadrën e USM Alger në Algjeri në fillim të këtij viti.
Interesante është se në qershor të vitit 2025, Ernest ishte pjesë e Tiranës, ndërsa USM Alger i ofruan 500 mijë euro bardhebluve për kartonin e afrikanit.
Në një situatë të tillë, kryeqytetasit nuk hezituan dhe përiftuan kuotën në fjalë. Vetëm pas disa muajësh, “rekordmenët” e Shqipërisë firmosin sërish me sulmuesin nga Liberia, falas.
Më shumë se sa thjeshtë të fituar, 500 mijë euro në “xhep” dhe “armë” shtesë në sulm. Në llogarin e tij në rrjetin social “Instgaram”, Emmanuel Ernest i ka vendosur vetes “nofkën” si “bisha vrasëse”.
Pas 18 javësh në Superiore këtë sezon, Tirana mban vendin e fundit me 10 pikë, 9 më pak për të dalë nga “zona e ftohtë”.
Lexo gjithashtu
