Tirana mori një humbje mjaft të hidhur në transfertën e Laçit, sfidë e vlefshme për javën e 34-të të “Abissnet Superiore”. Ndeshja e zhvilluar në Kurbin, përfundoi me fitoren minimale, 1-0 në favor të vendasve.
Sezon mjaft i vështirë për Tiranën, vështirësi në të cilën marrin pjesë edhe kurbinasit. Bardheblutë nuk e kanë mposhtur në asnjë nga 4 ndeshjet Laçin këtë sezon, duke marrë 2 humbje dhe 2 barazime.
Kurbinasit janë kthyer në një makth për Tiranën, me këta të fundit që janë mposhtur 3-0 dhe 1-0, teksa kanë barazuar 1-1 dhe 2-2 përballë bardhezinjve.
Një ndeshje për t’u harruar për bardheblutë, të cilët e shohin veten në vendin e gjashtë të renditjes, me 46 pikë të grumbulluara. Tashmë Tirana është 1 pikë larg Dinamos, me ekipin e Erbim Fagut që po rrezikon në mënyrë serioze pjesëmarrjen në “Final 4”.
Lexo gjithashtu
