Largimi nga jeta e monarkes më jetëgjatë bëri që Premier League të ndryshonte planifikim e ndeshjeve të javës, gjithashtu nga kjo gjë është prekur dhe kompeticioni i Champions League i cili ka ndryshuar orare për disa nga sfidat.
Premier League doli me vendimin që do të rikthej përballjet në fushën e lojës duke nisur nga e hëna. "Liga mund të konfirmojë se ndeshjet e planifikuara për javën që nis duke filluar nga e hëna 12 shtator, do të zhvillohen siç janë të planifikuara. Klubeve u kërkohet, që për të gjitha ndeshjet që do të zhvillohen deri në ditën e funeralit, të mbajnë një minutë heshtje para ndeshjes dhe të vednosin shirita të zinj në krahë si shenjë respekti”, komunikonte kryesia e Premier League.
Champions League ka ndryshuar ditën për zhvillimin e takimit të Rangers në shtëpi kundër Napolit, e planifikuar të luhej ditën e martë është spostuar për të mërkurën. Kjo vjen si rrjedhojë e mungesës së policisë për shkak të kufizimeve të mëdha në zinë kombëtare. Tottenham do të zhvilloj në datën e përcaktuar sfidën e tyre kundër Sporting Lisbon.
Ndeshja në shtëpi e Manchester Cityt në Champions League me Dortmund të mërkurën do të zhvillohet siç ishte planifikuar, ashtu si edhe ndeshja e Manchester United në Europa League me Sheriff në Moldavi të enjten.
Lexo gjithashtu
