Orët e fundit mediat spanjolle bëjnë me dije se klubi i Barcelonës ka kontaktuar Fiorentinën për shërbimet e mesfushorit Sofyan Amrabat. Marokeni që shkelqeu në Botëror duke qenë pika kyçe e luanëve të Afrikës, ka ngjallur interesin e shumë skuadrave të mëdhaja këtë merkato dimri.
Për të është interesuar edhe Liverpool, por këta të fundit e zbehën interesimin për mesfushorin e qendrës. Barcelona nga ana tjetër kërkon të përfitojë shërbimet e Amrabat të paktën në formë huazimi deri në fund të sezonit.
Mbetet për t’u parë nëse Fiorentina do të pranojë të negociojë me katalanasit duke qenë se Amrabat është nga lojtarët më të rëndësishëm të klubit violë.
