Ilir Meta ka pasur një takim ditën e sotme me "Tifozat Kuqezi", të cilët i ka cilësuar si lojtari i 12-të i ekipit Kombëtar. Takimi i kreut të shtetit u bë me rastin e 15-vjetorit të themelimit të këtij tifo-grupi.
Ai i falënderoi të gjithë për kontributin e dhënë dhe i inkurajoi për të qenë gjithmonë pranë kuqezinjve. Përmes një postimi në kanalin zyrtar në facebook, presidenti Ilir Meta shkruante:
"Tifozat KuqeZi" janë frymëzimi i Kombëtares tonë dhe padyshim "lojtari i 12" i saj. Me dashurinë e jashtëzakonshme për kombin, energjinë e pashtershme dhe qytetarinë e tyre, "Tifozat Kuq e Zi" e kanë lartësuar më së miri flamurin shqiptar në arenat sportive. Motivim i jashtëzakonshëm për yjet e Kombëtares sonë dhe adrenalinë e paparë për zemrën e çdo shqiptari që rreh për ngjyrat kuq e zi.
Me rastin e 15-vjetorit të themelimit të këtij tifo-grupi, pata sot kënaqësinë të zhvilloja një takim të përzemërt me një përfaqësi të tyre, të cilët i falenderova për kontributin dhe i inkurajova të jenë përherë pranë Kombëtares në sfidat e rradhës".
Lexo gjithashtu
