Biznesmeni italian Francesco Beçhetti i shpallur në kërkim nga Shqipëria për pastrim parash, dhe që prej kohësh besohet se jeton në Britaninë e Madhe, është vënë nën shënjestrën e sulmeve nga ish presidenti i klubit anglez Leyton Orient.
Barry Hearn ka shpërthyer në një sulm të ashpër ndaj Beçhettit duke e akuzuar atë se ka shkatërruar trashëgiminë e klubit që Hearn ka parut për 19 vjet.
Beçhetti e bleu klubin Leyton Orient pasi u largua nga Shqipëria ku u shpall në kërkim për disa vepra penale.
Barry Hearn, tifoz i përjetshëm dhe president nderi po diskuton se si të rrimarë sërish klubin e tij, nëse Beçhetti dështon të paguajë 250,000 paund taksa brenda muajit mars.
Beçhetti, i cili nuk është shfaqur në publik për një kohë të gjatë, ka deklaruar për herë të fundit se është i gatshëm ta shesë sërish klubin nëse i ofrohen të paktën 4 milion paund, aq sa e ka blerë në korrik të 2014-ës.
Por klubi Leyton Orient tashmë është në zonën e "ftohtë" të Ligës së Dytë dhe rrezikon të bie një kategori më poshtë.
[gallery columns="1" size="full" ids="86812"]
Lexo gjithashtu
