U la jashtë listës për ndeshjet e qershorit nga përfaqësuesja e Kosovës dhe u përfol që do të luaj për Kombëtaren shqiptare. Pas këtyre Mirlind Daku u pajis edhe me pasaportën shqiptare teksa tashmë duket se është gati për hapin e radhës.
25-vjeçari është duke ndjekur talentin gjurmët e talentit të Kombëtares, Mario Mitaj i cili aktulisht është pjesë e kampionatit rus tek Lokomotiva Moscoë. Dhe duket se dhe e ardhmja e Dakut është po në të njëjtin vend, por tek një tjetër skuadër.
Sulmuesi i dardanëve aktualisht është pjesë e NK Osijek në Kroaci dhe pritet të kalojë tek Rubin Kazan. Ditën e sotme ai ka udhëtuar drejt Rusisë për të kryer vizitat mjeksore. Ndërsa ky operacion pritet t’i kushtojë plot 1.2 milionë euro që do të derdhen në arkat e klubit kroat.
Daku do të nënshkruaj një kontratë 3-vjeçare me Rusët dhe do të përfitojë plot 1 milionë euro në sezon. Kujtojmë që nga ky transferim do të përfitojë edhe skuadra e Kosovës, Llapi. Këta të fundit kanë ruajtur 15% të kartonit të tij dhe tashmë do të përfitojnë plot 180 mijë euro.
[caption id="attachment_699058" align="alignnone" width="775"]
Mirlind Daku[/caption]
Lexo gjithashtu
