Një lajm i mrekullueshëm për klubin e Veronës teksa mësohet se Andrea Gresele ka kaluar rrezikun për jetën dhe tashmë është në fazë riaftësimi.
Mbrojtësi i ri i italianëve u godit nga tensioni i lartë, por fatmirësisht ia ka hedhur paq. 18-vjeçari nga Vicenza do të vazhdojë fazën e riaftësimit në shtëpi.
“Ne jemi të lumtur për Andrean, për familjen e tij të jashtëzakonshme, e cila u përball me momentin e vështirë me vendosmëri të madhe.
Mbështetja ishte e madhe si për Andrean, ashtu edhe për familjen e tij. Sot është një ditë e veçantë gëzimi për të gjithë klubin. Ne do të vijojmë të jemi afër tij”, shkruhej në faqen zyrtare të klubit italian.