Kombëtarja e femrave ka mposhtur 4-0 Qipron në ”Loro Boriçi”, në takimin e vlefshëm për kualifikueset e Euro 2022. Goli i Jasharit vendosi pjesën e parë, ndërsa në të dytën realizuan Doçi, Gjini dhe Maksuti. Vajzat kuqezi treguan karakter në fushë, duke mos e diskutuar për asnjë çast fitoren.
Numri një i Federatës Shqiptare të Futbollit, Armando Duka ka bërë një postim në rrjetet sociale, ku ka uruar ekipin. Ai shkruan: Fitorja e pastër e vajzave kuqezi kundër Qipros, me gëzoi pa masë. Ndjehem i lumtur dhe krenar për suksesin e tyre. Një ogur i mirë edhe për të ardhmen. Urime!
Kombëtarja kuqezi e femrave ka një skuadër tejet cilësore, me synimet që janë të mëdha.
Loading ...
