Transferta e Bale më e shtrenjta në histori

Gareth Bale mbylli një sezon fantastik këtë vit me kampionët e Europës ,Realin e Madridit. Forma fizike e lojtarit ka joshur shumë Jose Murinho. Tekniku portugez pritet të bëjë një ofertë të çmendur për të pasur në rradhët e skuadrës së tij të re Manchester United uellsianin.

Mediat britanike njoftojnë se do të jetë një shumë prej 120 milionë eurosh shifra që do të propozohet te klubi spanjoll për të marrë shërbimet e Bale.

Nëse kjo tratativë do të rezultonte e suksesshme futbollisti uellsian do të bënte transfertën më të lartë të kryer ndonjëherë në historinë e futbollit.

Ajo çka mbetet për tu parë është nëse joshja ekonomike do të bëjë që Reali të heqë nga skuadra një nga lojtarët e saj kryesor.