Portieri i Maqedonisë së Veriut në hendboll, Nikola Danilovski është gjetur pa shenja jete në moshën 24 vjeçare. Mediet fqinje bëjnë me dije se Danilovski është mbytur në liqenin e Ohrit, teksa ka qenë pjesë e skuadrës së këtij qyteti në hendboll.
Gardiani 24 vjeçar ishte zhdukur prej mbrëmjes së djeshme duke alarmuar miqtë dhe familjarët, teksa asnjë gjurmë nuk dukej prej tij. Pas stërvitjes së djeshme atë nuk e pa më njeri, ndërsa trupi u gjet sot në liqen. Sipas policisë së Ohrit, portieri nuk kishte shenja dhune. Danilovski prej 2018 ishte pjesë e kombëtares maqedone të hendbollit.
Loading ...
