Tirana ka nisur përgatitjet që në muajin qershor dhe nuk i ka ndërprerë ato edhe pse nuk mori pjesë ne Europa League. Trajneri Ilir Daja po konturon skuadrën, duke bërë zëvendësimin e lojtarëve të larguar me të rinj që tashmë kanë veshur fanellën bardheblu. Por, ende nuk ka përfunduar merkato e bardhebluve, pasi synohen edhe disa lojtarë të tjerë deri më 16 korrik, që është dhe dita e fundit e përgatitjeve në Tiranë.
Më 17 korrik 24-herë kampionët e vendit do të udhëtojnë drejt Zllatiborit të Serbisë, aty ku është planifikuar faza përgatitore. Është rezervuar resorti ku do të kryejë përgatitjet Tirana, ndërsa veç stërvitjes, bardheblutë do të zhvillojnë disa ndeshje miqësore që tashmë janë programuar.
Zllatibori është vend malor dhe i preferuar për të zhvilluar fazën përgatitore verore, ndërsa resorti që ka rezervuar presidenca e Tiranës është një nga më të lakmuarit nga skuadra me emër në Ballkan. Ka klimë malore dhe temperaturat kanë diferencë të theksuar me Shqipërinë apo resortet e tjera në shtetet fqinj.
Loading ...
Leave a Reply
You must be logged in to post a comment.