
Tirana e këtij sezoni e nisi vitin pa zhurmë, shtoi oreksin pas pak javëve kur u duk se do të garonin për titull dhe u dorëzua nga kjo garë në fundin e vitit 2016. Bardheblutë po kalojnë momente të vështira në kampionat dhe pas bllokimit të merkatos, për trajnerin Mirel Josa u bë e detyrueshme aktivizimi i disa të rinjve.
Akua dhe Merveil u zbuluan në Afrikë, Deliaj, Domgjoni dhe Halili u afruan në skuadrën e parë një vit më parë ndërsa Albi Doka dhe Klisman Cake janë dy bastet e fituara të kësaj periudhe. Të gjithë këta lojtarë janë pjesë përbërëse e ekipit të parë dhe një investim mjaft i rëndësishëm për të ardhmen.
Skuadra U-19 e Tiranës
Reuben Akua 19 vjeç
Albi Doka 19 vjeç
Merveil Ndockyt 19 vjeç
David Domgjoni 18 vjeç
Fjoralb Deliaj 19 vjeç
Grent Halili 18 vjeç
Klisman Cake 17 vjeç