Nesër Teuta do të luajë kundër Laçit, ndeshje e vlefshme si miqësore në kuadër të përgatitjeve për fazën e tretë të Superiores. Nëpërmjet një njoftimi në faqen zyrtare, klubi durrsak njofton për këtë ndeshje si dhe orarin kur do të zhvillohet.
“Miqësore nesër ora 14:00, Teuta – Laçi, në stadiumin ‘Niko Dovana'”, shkruhet në njoftimin e faqes zyrtare të Teutës.
Në këtë mënyrë trajneri Gugash Magani do të ketë mundësi të provojë lojtarët që ka në dispozicion dhe të shohë gjendjen e tyre disa ditë para startit të fazës së tretë.
