Tërmeti i fuqishëm në Turqi ka prekur edhe botën e sportit. Sipas “CNN turk”, në një hotel të shembur në Malatya kanë mbetur nën rrënoja 15 sportistë. Midis tyre janë 11 volejbollistë dhe 4 futbollistë.
Të 15-të sportistët janë pjesë e klubit Malatya Metropolitan Belediyespor. Volejbollistët e këtij klubi garuan në Play-Off në Grupin e 6-të, të Ligës së 2-të të Volejbollit për meshkuj. Përpjekjet e shpëtimit vazhdojnë për të bllokuarit nën rrënoja, ndërsa ende nuk dihet fati i portierit të Malatyaspor, Turkaslan.
