Fitorja kundër Spezias i mundësoi Monzës të finalizojë objektivin kryesor të sezonit të jashtëzakonshëm të zhvilluar në Serie A , për herë të parë në historinë e saj. 44 pikë në 32 ndeshje, Monza siguroi matematikisht qëndrimin në Serie A teksa aktualisht mban vendin e 10-të.
Klubi nga Brianza tashmë mund të fillojë të marrë frymë dhe t'i mbyllë ndeshjet e kampionatit me një qetësi më të madhe emocionale. Një rezultat i mrekullueshëm që kënaq jo vetëm tifozët, por edhe pjesën tjetër të shoqërisë, nga presidenti Silvio Berlusconi te drejtori Adriano Galliani.
Dyshja legjendare kanë premtuar se do të bëjnë blerjet përfundimtare të lojtarëve të huazuar pqë kanë kontribuar për skuadrën dhe sipas Calciomeracto.it, do të hapin thesin me plot 45 milionë euro që do të shkojnë për këta lojtarë:
Matteo Pessina , për të cilin klubi do të duhet të paguajë 15 milionë euro në arkat e Atalantës . Më pas, shpengimi i Andrea Petagna për 11.5 milionë do të dërgohet në Napoli. Arsenali gjithashtu do të marrë 5 milionë euro për blerjen e Pablo Marì, në fund portierin Alessio Cragno, 3.6 milionë euro për Cagliari, dhe Gianluca Caprari për të cilin Monza do të paguajë 9 milionë euro në arkat e Veronës.
Lexo gjithashtu
