Nëse do t’i referoheshim paraqitjes së fundit të Jasir Asanit në fushën e blertë, do të na duhet të ktheheshim më 27 shkurt, ku anësori luajti për 90 minuta për skuadrën e tij Esteghal në fitoren 2-1 përballë Fajr Sepasi, e vlefshme për kupën “Persian Gulf Pro”.
Megjithatë, sulmuesi i Kombëtares i ka dëshmuar vlerën e tij përgjatë këtij sezoni, me 13 golat e shënuar dhe 4 të asistuar në 29 ndeshje në total, çfarë ka mjaftuar që Asani të “fiksojë” vendin e tij në formacionin më të mirë të sezonit në Champions League-n aziatike.
I vlerësuar me notën 7.21 nga platformave e vlerësimeve Sofascore, sulmuesi shqiptar mban krahun e majtë të sulmit, në rreshtimin 3-2-5-1, ku ndodhet krahas lojtarëve si Diminguez, Angelo dhe Buhagiar.
Nëp këtë 11-she mungon Cristiano Ronaldo, sulmuesi portugez që luan për Al Nassr në Ligën Saudite, skuadër që përfaqësohet vetëm me tre elementë, mbrojtësit Martinez dhe Al Amri.
Lexo gjithashtu
