Ministri i Brendshëm, Taulant Balla ndodhet ditën e sotme në Dusseldorf, në prag të ndeshjes Shqipëri-Spanjë, ku është takuar edhe me homologun e tij, Herbert Reul, në kuadër të forcimit të marrëdhënieve në fushën e sigurisë publike dhe policisë me Lanndin e Nordrhein – Westfalen (NRW).
Lajmin e ka bërë të ditur vetë ministri Balla nëpërmjet një postimi në rrjetin social Facebook. Balla shkruan se i ka shprehur mirënjohjen homologut të tij për mikpritjen e ekipit të Kombëtares shqiptare gjatë qëndrimit në Kaiserau.
Në vijim të postimit, Balla thotë se në këtë land jetojnë rreth 35 mijë qytetarë shqiptarë dhe vlerëson integrimin e tyre në jetën social-ekonomike të vendit, ndërsa shton se bashkëpunimet midis tyre do të jenë të pranishme në të ardhmen, teksa evidenton se tashmë ekziston një projekt i përbashkët që pret të realizohet së shpejti.
“Takimi me Ministrin e Brendshëm të Nordrhein-Westfalen Herbert Reul. Mirënjohje për mikpritjen e ekipit tonë kombëtar gjatë qëndrimit në Kaiserau. Rreth 35 mijë qytetarë shqiptarë jetojnë në këtë land dhe vlerësohet integrimi i tyre në jetën social-ekonomike.
Do të forcojmë bashkëpunimin në fushën e sigurisë publike dhe policisë me NRW dhe kemi tashmë një projekt të përbashkët për ta çuar përpara”,- shkruan ministri i Brendshëm, Taulant Balla.
Lexo gjithashtu
