Kombëtarja shqiptare e vajzave U-17 zhvilloi sot ndeshjen e dytë të raundit të dytë të Kampionatit Europian ndaj vendasve të Andorrës.
Ndeshja e luajtur në Centre d’Entrenament FAF u mbyll me fitoren minimale të Andorrës 0-1.
Trajnerja Cyme Lulaj e nisi ndeshjen me këtë formacion titullar: Ambra Reshiti (GK), Sara Mustafa (C), Albana Malaj, Samanta Hysa, Gerta Brahimi, Amelia Reci, Desara Lorja, Christina Bekteshi, Isabella Kuci, Kristel Tuku, Erina Bajramaj.
Ndeshja u vendos nga një penallti e fituar nga Andorra në minutën e 32-të. Nga pika e bardhë goditi saktë Elia Quilez.
Shqipëria tentoi të barazonte rezultatin deri në fund, por pa sukses. Në minutën e 90-të, ekipi mbeti me 10 lojtare në fushë, pasi Amelia Reci u ndëshkua me karton të kuq.
Ndeshja përfundoi 0-1 për Andorrën.
Shqipëria do të luajë të hënën ndeshjen e tretë dhe të fundit të këtij raundi ndaj Bjellorusisë.
Lexo gjithashtu
