Federata e Futbollit ishte pjesë e UEFA Club Licensing & Financial Sustainability Regional Workshop, një event i rëndësishëm që mblodhi përfaqësues nga 22 federata anëtare të UEFA-s, si dhe konfederata të tjera anëtare të FIFA-s.
Në workshop-in e zhvilluar në Ljubljanë të Sllovenisë në datat 6-7 mars, FSHF u përfaqësua nga Drejtoresha e Departamentit Ligjor, Erisa Vora dhe menaxheri i licensimit të klubeve, Eduard Gjini.
Në këtë workshop u trajtuan çështje kyçe mbi licensimin e klubeve dhe sfidat financiare në futbollin europian si dhe u prezantuan ndryshimet në rregulloren e licensimit të klubeve për edicionin futbollistik 2025 dhe problematika të tjera që lidhen me licensimin, si për futbollin e vajzave ashtu edhe për atë të djemve.
Workshop-i ishte një mundësi e mirë për shkëmbimin e eksperiencave mes federatave dhe për forcimin e praktikave të licensimit dhe qëndrueshmërisë financiare të klubeve në përputhje me standardet e UEFA-s.
Lexo gjithashtu
