Tashmë është gjithçka zyrtare edhe nga FIFA, Arman Durmishi do të luajë vetëm për Kombëtaren shqiptare. Institucioni më i lartë i futbollit në botë ka miratuar ndryshimin për talentin.
16-vjeçari i cili më parë është aktivizuar për moshat e Sllovenisë, ka vendosur që të vazhdojë karrieërn e tij me Kombëtaren shqiptare. Kujtojmë se Durmishi u bashkua me Shqipërinë U-17 gjatë nëntorit të kaluar, në dy miqësoret përballë Polonisë.
Ndërkohë që momentalisht, sulmuesi 16-vjeçar aktivizohet me Juventus U-17. Ai është pjesë e tyre që prej gushtit të shkuar, teksa ishte një iniciativë nga vetë Thiago Motta.
Kartoni i sulmuesit shqiptari i kushtoi Juventusit plot 1 milionë euro. Ndërkohë që këtë sezon në 15 ndeshje të zhvilluara, Durmishi ka shënuar 11 gola dhe asistuar në 3 të tjerë, duke qenë pike kyçe për bardhezinjtë.
Lexo gjithashtu
