Kombetarja e Vajzave U-19
Kombëtarja shqiptare U-19 e vajzave do të zhvillojë dy ndeshje miqësore ndaj Rumanisë, më 31 maj dhe 2 qershor, në stadiumin “Skënderbeu” në Korçë.
Skuadra ka nisur grumbullimin për këto përballje, ndërsa trajnerja Luçije Gjini ka publikuar listën me 20 lojtare të ftuara. Nga këto, gjashtë futbolliste vijnë nga jashtë vendit, ndërsa pjesa tjetër aktivizohen në skuadrat e kampionatit shqiptar.
Takimi i parë mes Shqipërisë dhe Rumanisë do të luhet më 31 maj, në orën 17:30, ndërsa ndeshja e dytë është planifikuar në datën 2 qershor, në orën 10:30.
Këto dy miqësore janë një mundësi e rëndësishme për stafin teknik për të vëzhguar nga afër formën dhe paraqitjen e lojtareve të grumbulluara.
Lexo gjithashtu
