Ambasadori i Britanisë së Madhe në Shqipëri, Nick Abbott ka qenë i ftuar në emisionin Opinion, ashtu si Ivan Gvozdenovic për të folur për shortin e Shqipërisë.
Duke përfaqësuar mbretërinë, ambasadori ka komentuar vetëm përballjen Angli kundër Kombëtares Shqiptare.
Për të ndeshja është një festë dhe loja në fushë do të jetë e ngushtë. Kujtojmë që Abbott është emëruar në shtator në vendin tonë, pasi më parë ka qenë i dërguari zyrtar i britanikëve në Kosovë dhe e njeh mjaft mirë shqiptarinë.
“Do të jetë në mars ndeshja Angli-Shqipëri. Mezi po e pres. Jam entuziast.
Në Wembley do të mbizotërojnë të dy ngjyrat, si tonat ashtu edhe ato kuqezi. Mendoj se s’ka shumë diferenca. Rezultati do të jetë i ngushtë në fund, shumë i ngushtë.
Nuk e di a do të ketë mjaftueshëm gola por e di që nuk do të jetë thjesht një ndeshje futbolli, por një festë”, u shpreh ambasadori.
Lexo gjithashtu
