Barcelona është në kërkim të një sulmuesi për sezonin e ardhshëm. Pas dëmtimi të gjatë të Suarez dhe Dembele, katalanasit po mendojnë që tani për të gjetur një “bomber” duke parë edhe moshën e madhe të sulmuesit uruguajian.
Mediat spanjolle ditën e djeshme raportuan se Barcelona është e vendosur për të marrë Lautaro Martinez nga Interi. Argjentinasi ka një klauzolë prej 111 milionë euro, por Barca nuk mundet të paguajë të gjithë shifrën e mund të jap lojtarë në shkëmbim.
Sipas “Tuttosport”, të dy klubet kanë nisur bisedimet dhe nga ajo që bëhet me dije është se zikaltërit i kanë kërkuar Griezmann klubit spanjoll. Në verë pritet të ketë diskutime të gjatë mes dy ekipeve.