Nijas Lena është një nga lojtarët që po spikat në Superligën maqedonase duke qenë protagonist kryesor me skuadrën e Struga Trim Lum.
Sot, ekipi i tij do të përballet me Akademia Pandev dhe pas fitoreve kundër Rabotniçkit dhe Sileksit, do të kërkojë triumfin e radhës. Në një prononcim të dhënë për inforsport.mk, mesfushori është shprehur:
“Na pret një ndeshje shumë e vështirë nesër ndaj ekipit më të fortë në këto 5 javët e para. Por kjo nuk do të thotë që ne nuk do kërkojmë fitoren. E para luajmë në fushën tonë dhe e dyta para tifozëve tanë që besoj do na përkrahin dhe të na e bëjnë më të lehtë fitoren”, u shpreh ai.
Takimi mes Struga Trim Lum dhe Akademia Pandev do të zhvillohet në orën 15:30. Kujtojmë që në Shqipëri, Lena spikati me fanelën e Kukësit duke qenë një nga futbollistët më të mirë të organikës verilindore.
Loading ...
