Pandemia “COVID-19” ka paralizuar futbollin anë e mbanë botës. Edhe në Maqedoninë e Veriut ka ndodhur e njëjta gjë, ndërsa tanimë kërkesat për të rinisur janë të shumta. Së fundmi ka folur Nijas Lena, një emër i njohur në futbollin shqiptar.
Ish-mesfushori i Kukësit në një prononcim për “Klan Kosova” është shprehur se dëshiron që kampionati të rifillojë. Tashmë pjesë e skuadrës së Struga Trim Lum, Lena ka deklaruar:
“Ditën e parë që jemi shkëputur me ekipin trajneri na ka dërguar çdo ditë program individual, dy tre ditë jemi futur edhe me video online në përgatitje në atletikë dhe me demonstrime me ushtrime të ndryshme.
“Duke parë situatën momentale shtetet më të fuqishme se Maqedonia e kanë ndërprerë kampionatin shpresat janë të pakta. Por ne duhet të jemi të përgatitur se nuk i dihet në çdo moment ndoshta fillon kampionati kështu që dëshira ime është që të filloj përsëri dhe kuptohet se si sportistë me kokë e kemi futbollin”, ka thënë futbollisti strugan.
Lexo gjithashtu
