Napoli do të luajë duelin e kthimit në CVhampions League me Eintracht Frankfurt ditën e nesërme, sfidë që nis në orën 21:00. Përballja e parë mes tyre e zhvilluar në Gjermani ka pëfunduar 2-0 për ekipin italian. Përpara këtij dueli mjaft të rëndësishëm ka folur në konferencën për shtyp Amir Rrahmani.
Mbrojtësi i përfaqësueses së Kosovës është kthyer në një pikë kyçe në formacionin e Luciano Spallettit, ndërsa theksoi se këtë vit Napoli ka forcën dhe të gjithë besojnë se do të bëjnë gjëra të mëdha.
“Faza mbrojtëse nis nga sulmuesit. Dhe, më pas në momentin që vjen rradha e ne mbrojtësve është më e lehtë të largojmë topin nga zona apo edhe të nisim një aksion të ri. Është sekreti i këtij sezoni. Ndaj Eintracht është një ndeshje shumë e rrezikshme dhe duhet të jemi shumë të vëmendshëm.
E kemi parë që në Bundesligë, Eintrachti ia ka dalë që në shumë raste të përmbysë ndeshjet ndaj janë të mësuar me këtë. Mendoj se janë një skuadër shumë e fortë. Këtë sezon skuadra ka më shumë besim, kjo vjen kur fiton ndeshje pas ndeshje, nuk falim asnjë kundërshtarë.
Kuptohesh me mesfushorët dhe sulmuesit? Varet nga mënyra se si trajneri i përgatit ndeshjet, mundohemi të kapim pikat e dobta të kundërshtarëve. Spalletti gjithnjë na jep një ide si të mbrojmë dhe më pas të sulmojmë hapësirat. E njohim shpejtësinë e Osimhen dhe kërkojmë shpesh që ta shërbejmë.
Paraqitja personale? Deri më tani kam shënuar shtatë gola, por mund të bëja edhe më shumë. Vitin e kaluar falë skemave të përgatitura me stafin ia dola të shënoja katër dhe kur skemat dalin është më e lehtë të realizosh. Ky goli i fundit ishte pak më i veçantë sepse ishte edhe i vështirë.
Çerekfinalet e Champions? Ndjehet një përgjegjësi, edhe pse kjo është përgjatë gjithë sezonit. në kampionat kemi gjithashtu një mundësi për të hyrë në histori, në Champions e dimë që është diçka speciale për ne lojtarët dhe klubin. Shpresojmë ta mbyllim mirë”, ka deklaruar lojtari dardan.
