Marash Kumbulla po kalon sezonin e tij të parë te Roma. Mbrojtësi kuqezi nuk ka qënë një titullar fiks, pasi ka patur probleme fizike, dëmtime dhe ndikim ka patur edhe Coronavirusi. Ai e quan një edicion pozitiv deri më tani, por do donte të bënte më shumë.
“Do të dëshiroja të bëja edhe më shumë, por duke qenë se jam në një klub kaq të madh duket si një sezon pozitiv. Synojmë ta përfundojmë sa më mirë sezonin. Presim me padurim derbin. Mezi presim të zbresim në fushë pas ndeshjes së parë ku kemi gabuar. Duhet ta fitojmë për tifozët tani që do të na shohin nga shtëpia” – tha ai.
