Sot do të luhen tre takime të vlefshme për javën e 30-të në Serie A. Do të zbresin në fushë tre ekipet që luajnë në mesjavë në Champions League.
Në orën 15:00 Milan do të luajë në transfertën e vështirë në Bologna. Kuqezinjtë do të kenë përballë ekipin e Thiago Motta që po bën vërtet mjaft mirë javët e fundit.
Javën e kaluar Milani mori një barazim zhgënjyes ndaj Empolit në “San Siro”, por fitorja ndaj Napolit në Champions riktheu entuziasmin në skuadrën e Piolit.
Në orën 18:00 Napoli do të pres në shtëpi Veronën. Tashmë kampionati është bërë një formalitet për napoletanët të cilët mendjen e kanë te çerekfinalja e kthimit ndaj Milanit.
Në darkë, në 20:45 Interi do të luajë në “Giuseppe Meaza” ndaj Monzës. Zikaltrit janë me "dy fytyra" këtë sezon, pasi në Champions po bëjnë ndeshje të mëdha ndërsa në kampionat janë të abonuar pas barazimeve. Rezultati i fundit zhgënjyes një javë më parë ndaj Salernitanës kërkohet të lihet pas.
Lexo gjithashtu
