Milan ka dy pikë më shumë se Inter në dy ndeshjet e mbetura dhe mund të shpallet kampion i Seria në ndeshjen që është për t’u luajtur këtë fundjavë. Kuqezinjtë luajnë të dielën në orën 18:00 ndaj Atalantas, ndërsa Interi do udhëtojë për transfertën e Cagliarit në 20:45.
Djemtë e Piolit do fitonin Scudetton në rast se do merrnin tre pikët ndaj Atalantës, dhe Inter do dështonte të fitonte në Sardinia. Mund t’u mjaftonte dhe barazimi ndaj ekipit të Gjimshitit, por në këtë rast, do duhej që Interi të humbte. Në rastet e tjera titulli i Seria A do mbetej për t’u vendosur në ndeshjen e fundit.
Milan që do udhëtojë në transfertën e Sassuolos, ndërsa Inter që do priste Sampdoria në Meazza. Milan ka një rekord më të mirë në përballje direkte me Interin, prandaj është më i favorizuar nëse të dy ekipet përfundojnë me pikë të barabarta në fund. Ky Scudetto do ishte i pari në 11 vitet e fundit për Milanin.
Loading ...
