Modelja dhe prezantuesja Wanda Nara është raportuar se ditët e fundit ishte shtruar në një spital në Buenos Aires për diçka “serioze”. Mediat sportive kanë shkruar mbrëmjen e djeshme se partnerja e Mauro Icardit është me leucemi. Jorge Lanata , në emisionin e tij në Radio Mitre, pohon se disa burime pranë Wanda Narës i kanë konfirmuar se ajo vuan nga leuçemia. Të mërkurën mbrëma, Nara u dërgua në një qendër mjekësore pasi ndjeu një dhimbje të fortë në stomak. Pas kësaj, mjekët vendosën se duhet të bëhej shtrimi i saj në mënyrë që ajo t’i nënshtrohej të gjitha analizave të nevojshme, duke përfshirë një analizë që sipas mediave argjentinase thoshte se nuk jepte lajme të këqija. Më pas, të premten, mediat lokale raportuan se Wanda Nara ishte transferuar në Sanatorio de Los Arcos, në Buenos Aires. Pas kësaj, ajo është kontrolluar nga stafi mjekësor për të gjetur dhe diagnostikuar sëmundjen për të cilën ka shfaqur shqetësime.

Jorge Lanta confirmó que Wanda Nara tiene leucemia. pic.twitter.com/zeE6A6cE8T

— Radio Mitre (@radiomitre) July 14, 2023

Lanata pohon gjithashtu se, që kur mori vesh lajmin e tmerrshëm për diagnozën e supozuar të leukemisë së Narës, partneri i saj Mauro Icardi dëshiron ta dërgojë atë në Itali për trajtim. Icardi ka luajtur pjesën më të madhe të karrierës në Itali dhe është vendi ku ai dhe Nara kaluan pjesën më të madhe të marrëdhënies së tyre. Sulmuesi aktualisht është në prag të një transferimi të përhershëm te Galatasaray në Turqi, por duket se dëshiron ta marrë partneren e tij në Itali. Gjithashtu sipas Lanata-s, Wanda sapo kishte përfunduar xhirimet e një episodi të MasterChef dhe do të udhëtonte në Ibiza për t’u takuar me motrën e saj Zaira dhe nënën e saj Nora Colosimo, por diagnoza tronditëse ka ndryshuar planet e tyre.