Gentian Selmani në versionin hero. Portieri shqiptar priti një penallti në ndeshjen mes ekipit të tij, Boluspor, ndaj Balikesirspor. Ndeshja mes dy ekipeve të Ligës së Parë turke u mbyll 0-0, me Selmani që neutralizoi 11-metërshin. Ishte Mrsic që gaboi nga pika e bardhë, duke mos ia dalë dot të dërgojë topin në rrjetë.
Selmani kaloi te Boluspor nga ekipi i Menemenspor. “Gardiani” vijon të bëjë përformanca të mira, pavarësisht ndërrimit të ekipit dhe kohës së përshtatjes. Transferim u krye në merkaton e kaluar, ku ai erdhi si një lojtar i lirë. Me interes të madh pritet të shihen paraqitjet në të ardhmen, me Selmanin që premton shumë.