Sulmuesi i Sassuolos, Giacomo Raspadori, ka folur par andeshjes së fundit të sezonit, që do e luajnë kundër Milanit. Edhe pse Sassuolo është pa objektiva në këtë sfidë, sulmuesi italian shprehet se ekipi është shumë i motivuar dhe do të japë maksimumin që ta mbyllin sezonin në mënyrën më të mirë të mundshme.
Në intervistën e tij për Rai Radio 2, Raspadori u shpreh: “Jemi shumë të fokusuar për sfidën kundër Milanit. Duam ta përfundojmë sezonin në mënyrën më të mirë të mundshme, sidomos para tifozëve tanë në shtëpinë tonë. Do të bëjmë maksimumin që të marrim tri pikët e plota”, tha mes të tjerash sulmuesi.
Milani dhe Interi janë në garë për titullin kampion në Serie A. Zikaltërit luajnë në shtëpi kundër Sampdorias, ndërsa të besuarit e Piolit, duhet të eliminojnë medoemos humbjen, që të shpallen kampionët e rinj të Italisë.
Loading ...
