Me Kombëtaren arriti objektivin, ndërsa në Itali tanimë flet si ekspert futbolli. Eduardo Reja, trajneri i Kombëtares sonë ka bërë një analizë për "Radio Anch'io Sport" duke folur për Zllatan Ibrahimoviç, 39-vjeçarin që nuk di të plaket.
Por, sigurisht në këtë intervistë s'mund të mungojë as përfaqësuesja shqiptare duke veçuar Sokol Cikalleshin si njeriun që i zgjidh "hallet" kuqezinjve.
"Ne jemi duke parë në gjithë Europën për të gjetur elementë të përshtatshëm për Shqipërinë. Cikalleshi është sulmuesi që zgjidh problemet e mia, tani për tani po më jep kënaqësinë më të madhe.
Por nuk dua t'i heq asgjë pjesës tjetër, të një grupi shumë të mirë futbollistësh që po tejkalon të gjithë pritshmëritë. Ne jemi disi në vitin zero. Po planifikojmë punën për të rritur edhe shkallën e të trajnerëve në Shqipëri", ka thënë trajneri i kombëtares shqiptare.
