Aktiviteti sportiv në vend ka përfunduar prej disa javësh dhe të gjithë janë ende duke shijuar pushimet dhe ndeshjet e kombëtares kuqezi në Francë. Pushojnë lojtarët dhe trajnerët, kuptohet jo të gjithë, por pushojnë edhe gjyqtarët e futbollit. Ndërkombëtari Lorenc Jemini duket një tip shumë familjar dhe gjatë këtyre ditëve po kënaqet me dy vajzat dhe bashkëshorten. Ai ka zgjedhur të kalojë disa ditë të qeta dhe të bukura jashtë Shqipërisë, ndërkohë që pret të mësojë edhe për ndonjë ndeshje, që do të gjykojë në turret paraeleminatorë të Kupave të Europës.
