Taulant Seferi mbetet një nga lojtarët më të mirë të Tiranës. Sulmuesi 25 vjeçar ka dhënë një intervistë për “Ditë pas Dite”, ku përveç aspektit futbollistik, është pyetur edhe për jetën e tij private. Ai lë të kuptohet se dëshiron një martesë të hershme dhe duket se ka gjetur gjysmën tjetër të zemrës. Seferi thotë se bëhet fjalë për një vajzë shqiptare, por për momentin nuk ka konfirmime, pasi është ende herët.
"Unë kam edhe shokë që janë të martuar e kanë fëmijë dhe sa herë kur flas, thonë se është gjëja më e bukur kur je i martuar dhe të kesh familje kur je më i ri se je stabël, i mbledhur. Nuk je shumë i shpërndarë.E kam gjetur një vajzë shqiptare, por asgjë nuk është e sigurt se është ende herët. Por shpresoj të na shkojë mirë" - tha ai.
Lexo gjithashtu
